پنجاب اسمبلی کے اپوزیشن لیڈر حمزہ شہباز کا کہنا ہے کہ اللہ کی لاٹھی بے آواز ہے، عمران خان آپ کا یوم حساب شروع ہوگیا ہے۔
رہائی کے بعد کارکنوں سے خطاب کرتے ہوئے حمزہ شہباز کا کہنا تھا کہ اس جعلی حکومت کو بنے ہوئے تین سال ہوگئے ہیں، شریف فیملی نےعمران نیازی کی انتقامی کارروائی کا سامنا کیا، آج پوری قوم نے اس احتساب کے تماشے کا منطقی انجام دیکھ لیا، نوازشریف کے سپاہیوں کے خلاف ایک روپے کی کرپشن ثابت نہ ہوسکی۔
انہوں نے کہا کہ بدترین انتقام کے باوجود نواز شریف، شہبازشریف کیخلاف کوئی الزام ثابت نہیں ہوا، رانا ثنااللہ کے خلاف کچھ نہ ملا تو ہیروئن کا کیس ڈال دیا گیا، ان کےانتقام کی آگ ٹھنڈے ہونے کا نام نہیں لےرہی، ن لیگ کی قیادت پر مفروضوں پر مبنی الزامات لگاتے ہیں، حکمرانوں کو ہمارے خلاف کچھ نہیں ملتا تو منہگائی کرکے غصہ عوام پر اتارتے ہیں۔
حمزہ شہباز کا مزید کہنا تھا کہ تین سال میں حکمران پاکستانی قوم کے سامنے بے نقاب ہوگئے، بنی گالا میں بیٹھ کرغریب کی جھونپڑی گرادینے کا حکم دے دیا جاتا ہے، اللہ کی لاٹھی بے آواز ہے، عمران خان آپ کا یوم حساب شروع ہوگیا، ترقی کا نیا سفر شروع کرنے کیلئے نواز شریف کو آنا اورنیازی کو جانا ہوگا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News