پاکستا ن اور بھارت کے درمیان کنٹرول لائن پر جنگ بندی معاہدے پر سختی سے عملدرآمد پر اتفاق کیا گیا ۔
پاک فوج کے شعبہ تعلقات عامہ (آئی ایس پی آر) کے مطابق پاک بھارت ڈی جی ایم اوز کے ہاٹ لائن پر رابطے میں ایل او سی اور دیگر تمام سیکٹرز کی صورتحال کا جائزہ لیا گیا۔
دونوں اطراف کے درمیان ایسے کور ایشوز اور تحفظات حل کرنے پر اتفاق کیا گیاجو امن کو متاثر اور تشدد میں اضافے کا باعث بن سکتے ہیں۔
گفتگو میں کنٹرول لائن اور دیگر تمام سیکٹرز میں جنگ بندی کے معاہدوں اور مفاہمتوں پر سختی سے عمل پیرا ہونےکے عزم کا اعادہ کیا گیا۔
دونوں اطراف سے ہاٹ لائن رابطے قائم رکھنے پر بھی اتفاق کیا گیااور غیر متوقع صورتحال اور غلط فہمیوں کو بارڈر فلیگ میٹنگز کے ذریعے حل کرنے پر اتفاق کیا گیا ۔
اس حوالے سے ڈی جی آئی ایس پی آر میجر جنرل بابر افتخار نے بول نیوز سے خصوصی گفتگو کرتے ہوئے بتایا کہ بھارت کی جانب سے 2014سے ایل او سی پر سیز فائر معاہدے کی خلاف وزریوں میں تیزی آئی جس سے 310 شہری شہیداور1600کےقریب زخمی ہوئے۔
ڈی جی آئی ایس پی آر نے پاک بھارت ڈی جی ایم اوز کے ہاٹ لائن رابطے کی تمام تر تفصیلات بول نیوز سے شیئر کیں۔
انہوں نے گفتگو کے دوران پاک بھارت ڈی جی ایم اوز رابطے کی تاریخ سے متعلق بتایا کہ ہاٹ لائن پررابطہ1987سےجاری ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News