وفاقی وزیر اطلاعات شبلی فراز نے کہا ہے کہ پیپلزپارٹی نے سینیٹ الیکشن خفیہ طور پر کروانے کا مطالبہ کرتے ہوئے میثاق جمہوریت کو ردی کی ٹوکری میں پھینک دیا ہے۔
تفصیلات کے مطابق پریس کانفرنس کرتے ہوئے وزیر اطلاعات شبلی فراز نے کہا ہے کہ آج رضا ربانی نے عدالت میں خفیہ الیکشن کی حمایت کی ہے جو کہ اس بات کا ثبوت ہے کہ پیپلز پارٹی آج ذوالفقارعلی بھٹو کے نظریے کو نظر انداز کررہی ہے۔
ان کا کہنا تھا کہ پیپلز پارٹی نے خزانے کے منہ کھول دیئے ہیں اور اب بولیاں لگ رہی ہیں، دونوں پارٹیاں ووٹ کی خرید وفروخت برقراررکھنا چاہتی ہیں۔
شبلی فراز نے کہا ہے کہ سندھ میں کرپشن کا ایک کلچر بنا ہوا ہے جبکہ اسپتالوں کی حالت، پینے کا پانی، امن و امان تک کی صورتحال ٹھیک نہیں ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News