پی ٹی آئی کارکنان کی عمران خان کے حق میں ریلی


عروبہ خانویب ایڈیٹر

06th March, 2021
Square ad 300 x 250

پاکستان تحریک انصاف کے کارکنان کی جانب سے وزیراعظم عمران خان کے حق میں ریلی نکالی گئی ہے جو کہ اس وقت ڈی چوک پر موجود ہے۔

ریلی کا انعقاد وزیراعظم عمران خان کے حق میں اور اعتماد کے ووٹ کے سلسلے میں اظہار یکجہتی کے لئے نکالی گئی ہے۔

سیکورٹی کے باعث ڈی چوک کے دروازے ریلی کے لئے بند کردیئے گئے تھے تاہم کارکنان کی شدید نعرے بازی نے ڈی چوک کا دروازہ کھلوا دیا۔

پی ٹی آئی کی ریلی کو ڈی چوک تک محدود رکھا گیا ہے، ڈی چوک سے آگے پی ٹی آئی کارکنان کو جانے کی اجازت نہیں دی گئی ہے۔

کارکنان کو پارلیمنٹ ہاؤس جانے سے روکنے کیلئی خار دار تاریں اور بلاکس لگا کر بند کر دیا گیا ہے۔

خواتین کارکنان کی جانب سے عمران خان کے حق میں بینرز اٹھائے ہوئے شدید نعرے بازی کی جارہی ہے جبکہ شہباز شریف کے خلاف نعرے بھی لگائے جارہے ہیں۔

ریلی میں پی ٹی آئی ایف سکس سے کارکنوں کا گھوڑوں پر سوار قافلہ ڈی چوک پہنچ گیا ہے جبکہ پی ٹی آئی ریلی میں کارکن اونٹ بھی لیکر پہنچ گیا ہے۔