وزیر اعظم نے قومی اسمبلی سے اعتماد کا ووٹ حاصل کرلیا


عروبہ خانویب ایڈیٹر

06th March, 2021
Square ad 300 x 250

وزیر اعظم عمران خان نے قومی اسمبلی سے اعتماد کا ووٹ حاصل کرلیا ہے۔

وزیر اعظم عمران خان کو قومی اسمبلی کے 178 ارکان نے اعتماد کا ووٹ دیا ہے، اسپیکر اسد قیصر نے نتائج کا اعلان کیا ہے۔

وزیراعظم کواعتماد کے ووٹ کے لیے 172 ووٹ درکار تھے جبکہ وزیراعظم نے8 17 ووٹ حاصل کیے ہیں جس پر وزیراعظم نے تمام اتحادیوں کے پاس جا کر ان کا شکریہ ادا کیا ہے۔

وزیراعظم عمران خان کو تحریک انصاف کے 155 ارکان اسمبلی نے ووٹ دیا جبکہ ایم کیو ایم کے 7، بی اے پی اور مسلم لیگ ق کے 5،5 ارکان ووٹ دینے والوں میں شامل ہیں۔

اعتماد کا ووٹ دینے والوں میں جی ڈی اے کے 3 ، عوامی مسلم لیگ اور جے ڈبلیو پی کا ایک ، ایک ووٹ بھی شامل جبکہآزاد رکن اسلم بھوتانی نے بھی وزیراعظم کے حق میں ووٹ دیا ہے۔

قومی اسمبلی میں اہم ترین اجلاس اسپیکر اسد قیصر کی زیر صدارت شروع ہوا۔

اجلاس کا آغاز ہوتے ہی وزیر خارجہ شاہ محمود قریشی کی جانب سے قومی اسمبلی میں ‏وزیراعظم پراعتماد کے ووٹ کی قرارداد پیش کردی گئی ہے۔

اسپیکر قومی اسمبلی کی جانب سے اعتماد کی قرارداد پر ووٹنگ سے متعلق اراکین کو طریقہ کار سے آگاہ کیا  گیا ہے۔

قرار داد پر ووٹنگ کا عمل شروع کردیا گیا ہے جس کے بعد اراکین کو اسپیکر کی دائیں جانب لابی میں جانے کا حکم  دے دیا گیا ہے۔

سب سے پہلا ووٹ عامر لیاقت نے ڈالا ہے جبکہ اراکین ووٹ ڈال کر لابی میں جاررہے ہیں۔

اسمبلی میں حکومت کے 174 جب کے 2 اپوزیشن کے ارکان موجود ہیں جب کا تعلق پی ڈی ایم سے نہیں ہے تاہم دونوں کی طرف سے وزیراعظم پر اعتماد کی قرارداد کی مخالفت کا امکان ہے۔

حکومت کے دو اراکین ووٹنگ میں حصہ نہیں لے سکتے ہیں کیونکہ فیصل واوڈا اپنے استعفیٰ کے باعث ووٹ نہیں ڈال سکتے جبکہ اسپیکر قومی اسمبلی اسد قیصر اجلاس کی صدارت کرنے کے باعث ووٹ نہیں ڈال سکتے ہیں۔

پارلیمنٹ لاجز کی سیکیورٹی بڑھا دی گئی ہے جبکہ پولیس اور رینجرز ارکان پارلیمنٹ لاجز کے باہر موجود ہیں۔

ووٹنگ کے بعد اسپیکر قومی اسمبلی نتائج کا اعلان کرینگے۔