صوبائی وزیرصحت ڈاکٹر یاسمین راشد نے کہا ہے کہ شہریوں کی سہولت کے لیے ویکسینیشن سینٹرز اتوار کے روز بھی کھلیں گے۔
تفصیلات کے مطابق وزیرصحت پنجاب ڈاکٹر یاسمین راشد نے کورونا ویکسین کی دوسری ڈوز لگوانے والے بزرگ شہریوں کے نام اہم پیغام دیا ہے۔
یاسمین راشد نے کہا کہ کورونا ویکسین کی دوسری ڈوز لگوانے والے شہریوں کی سہولت کی خاطر پنجاب کے تمام ویکسینیشن سینٹرز اتوارکے دن بھی کھلے رہیں گے۔
انہوں نے یہ بھی کہا کہ دوسری ڈوز لگوانے والے شہریوں کو میسج موصول نہ ہونے کی صورت میں بھی 22 ویں دن ویکسین لگائی جارہی ہے۔
صوبائی وزیرصحت ڈاکٹر یاسمین راشد نے مزید کہا کہ بزرگ شہریوں کی سہولت کی خاطر صوبہ بھرمیں 126 ویکسینیشن سینٹرزقائم کیے گئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News