پاور ڈویژن نے ملک بھر میں سحر و افطار میں بلا تعطل بجلی کی فراہمی کا اعلان کر دیا ہے۔
تفصیلات کے مطابق ترجمان پاور ڈویژن کا اس حوالے سے کہنا ہےکہ سحر و افطار میں ملک بھر میں بلا تعطل بجلی مہیا کی جائے گی، ان اوقات میں تمام فیڈرز پر بجلی کی فراہمی کو یقینی بنایا جائے گا۔
ترجمان نے کہاکہ تمام بجلی تقسیم کار کمپنیوں کو اس سلسلے میں ضروری ہدایات دے دی گئی ہیں، کسی بھی عارضی تعطل کو دور کرنے کے لیے ڈسٹری بیوشن کمپنیوں کی ٹیمیں بھی تشکیل دے دی گئی ہیں۔
ڈسٹری بیوشن کمپنیزکےکنٹرول رومز 24 گھنٹے فعال رہیں گے،سب ڈویژن لیول پر اضافی ٹرانسفارمرز اور دیگر آلات فراہم کردیےگئے ہیں۔
واضح رہےکہ سحر و افطار میں بلا تعطل بجلی کی فراہمی کےلئے کنٹرول رومز میں 24 گھنٹے اسٹاف کی ڈیوٹیاں بھی لگا دی گئی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News