ترجمان دفتر خارجہ زاہد حفیظ چوہدری نے کہا ہے کہ کشمیر کے حوالے سے پاکستان کے اصولی مؤقف میں کوئی تبدیلی نہیں آئی ہے۔
زاہد حفیظ چوہدری کا کہنا تھا کہ پاکستان بھارت سمیت تمام ہمسائیوں سے پرامن تعلقات چاہتا ہے لیکن وزیراعظم واضح کر چکے ہیں کہ کشمیر کے تنازعے کا حل ناگزیر ہے۔
انہوں نے بتایا کہ بھارتی قابض فورسز نے دو ہفتوں میں مزید چھ کشمیری شہید کیے ہیں تاہم بھارتی اقدامات عالمی قوانین کی خلاف ورزی ہے۔
ان کا مزید کہنا تھا کہ پاکستان ماورائے عدالت اور نام نہاد سرچ آپریشن کی مذمت کرتے ہوئے کشمیر میں ماورائے عدالت قتل کی جوڈیشل انکوائری کا مطالبہ کرتا ہے۔
دوسری جانب ترجمان کا کہنا تھا کہ پاکستان جیو اسٹریٹیجک سے جیو اکنامکس کی طرف منتقل ہو چکا اور اب مستقبل میں جو اقدامات ہونگے اس میں جیو اکنامکس کو مدنظر رکھا جائے گا۔
Advertisement
خیال رہے کہ ان تمام خیالات کا اظہار ترجمان دفتر خارجہ زاہد حفیظ چوہدری نے ہفتہ وار بریفنگ کے دوران کیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
