وزیراعظم کے معاون خصوصی برائے صحت ڈاکٹر فیصل سلطان نے کہا ہے کہ ملک میں متاثرہ مریضوں کی شرح 10 فیصد سے زیادہ ہے، اس سے یہ پتہ چلتا ہے کہ معاشرے میں وباء کا پھیلاؤ بڑھ رہا ہے۔
تفصیلات کے مطابق ڈاکٹر فیصل سلطان نے میڈیا بریفنگ کے دوران کہا ہے کہ گزشتہ 24 گھنٹوں کے دوران کورونا سے متاثرہ مریضوں کی تعداد 4 ہزار چھ سو ہے۔
ڈاکٹر فیصل سلطان نے کہا ہے کہ ہم پچھلی کورونا کی لہر سے بہت زیادہ اوپر جا چکے ہیں اور اس سے ہیلتھ سسٹم پر بوجھ بڑھ رہا ہے۔
انھوں نے کہا کہ آکسیجن پر پریشر بھی بہت زیادہ ہے اور ہم مجموعی صلاحیت کا 90 فیصد استعمال کر رہے ہیں، اس صورتحال میں پابندیوں میں اضافہ کیا ہے۔
انہوں نے کہا کہ اگر ہم اس پر عمل نہیں کرتے تو ہم اس جگہ نہ پہنچ جائیں جہاں ہمیں مکمل لاک ڈاؤن کرنا پڑے گا۔
انہوں نے کہا کہ میری آپ سب سے اپیل ہے کہ ایس او پیز کو اپنائیں اور اپنی صحت، اپنے گھر والوں کی صحت بلکہ پورے معاشرے کی صحت کا خیال رکھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News