وزیر خارجہ مخدوم شاہ محمود قریشی اپنے دورہ ایران کے تیسرے روز جمعرات کو مشہدِ پہنچ گئے۔
مشہد پہنچنے پر وزیر خارجہ کا استقبال ڈپٹی گورنر جنرل خراسان نبی ہور نے کیا، اس موقع پر ایران میں پاکستانی سفیر رحیم حیات قریشی اور دیگر اعلیٰ حکام بھی موجود تھے۔
وزیر خارجہ، مشہد میں روضہ حضرت امام رضا پر حاضری دیں گے اور آستان قدس رضوی کے متولّی، حجۃ الاسلام و المسلمین احمد مروی سے ملاقات کریں گے۔
اس ملاقات میں تحفظ حرمت رسول صل اللہ علیہ والہ وسلم اور اتحاد بین المسلمین کی ضرورت سمیت باہمی دلچسپی کے موضوعات پر تبادلہ خیال کیا جائے گا۔
وزیر خارجہ مشہد میں واقع پاکستانی قونصل خانے کا دورہ کریں گے اور وہاں تعینات پاکستانی سفارت کاروں و دیگر سفارتی عملے سے ملاقات کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News