وزیر خزانہ شوکت ترین نے کہا ہے کہ کورونا وباء کے دوران معاشی بحالی کیلئے عالمی بینک کی بروقت امداد قابل تحسین ہے۔
تفصیلات کے مطابق وزیر خزانہ شوکت ترین سے عالمی بینک کے کنٹری ڈائریکٹر ناجی بینہاسن کی ملاقا ت ہوئی ہے۔
دوران ملاقات وزیر خزانہ نے ادارہ جاتی اصلاحات، گورننس اور خدمات کی فراہمی میں عالمی بینک کے تعاون کو سراہتے ہوئے پائیدار معاشی ترقی کیلئے حکومتی عزم کا اظہار کیا ہے۔
اس دوران وزیر خزانہ نے عالمی بینک کے کنٹری ڈائریکٹر کو اکنامک ایڈوائزری کونسل کے پہلے اجلاس کے حوالے سے آگاہ کیاہے۔
انہوں نے بتایا ہے کہ اکنامک ایڈوائزری کونسل معیشت کی بہتری کیلئے قلیل المدتی، وسط اور طویل المدتی منصوبوں میں معاونت کرے گی۔
اس موقع پر عالمی بینک کے نمائندے نے وزیر خزانہ کو منصب سنبھالنے پر مبارکباد پیش کی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News