وزیراعلیٰ سندھ مراد علی شاہ نے کہا ہے کہ سندھ حکومت کی جانب سے اسپتالوں میں آلات اور سہولتوں میں کافی اضافہ کیا گیا ہے۔
تفصیلات کے مطابق وزیراعلیٰ سندھ سید مراد علی شاہ کی صدارت میں کورونا ٹاسک فورس کا اجلاس ہوا ہے۔
اجلاس میں بتایا گیا کہ کراچی میں کورونا وائرس کیسز8.9 فیصد تک پہنچ گئے ہیں جبکہ حیدرآباد میں 16.64 فیصد ہیں اور باقی دیگر اضلاع میں 2.72 فیصد کیسز ہورہے ہیں۔
وزیراعلیٰ سندھ کو آگاہ کیا ہے کہ سندھ میں کوویڈ کے باعث جنوری 2021 میں 431 مریض انتقال کر گئے جبکہ فروری 2021 میں 339 اور مارچ میں 151 اموات ہوئی ہیں۔
اس حوالے سے اجلاس میں وزیراعلیٰ سندھ کا کہنا تھا کہ کراچی اور حیدرآباد میں کیسز کا اس طرح بڑھنا پریشان کن بات ہے اور جب تک لوگ خود احتیاط نہیں کرینگے یہ کیسز بڑھتے جائیں گے۔
انہوں نے کہا ہے کہ کراچی میں 531 وینٹی لیٹرز کی سہولت مختلف اسپتالوں میں موجود ہے اور مزید 70 وینٹی لیٹرز کا شہر کراچی میں اضافہ کیا جارہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News