سندھ حکومت کی جانب سے 1.4 ملین ٹن گندم خریدنے کا ٹارگٹ مقرر کیا گیا ہے۔
تفصیلات کے مطابق وزیراعلیٰ سندھ سید مراد علی شاہ کی زیر صدارت سندھ کابینہ کا اجلاس منعقد ہوا ہے جس میں سندھ حکومت نے گندم خریدنے کا ٹارگٹ مقرر کیا ہے۔
مقرر کردہ ٹارگٹ کے مطابق سندھ حکومت 1.4 ملین ٹن گندمکی خریداری کو یقینی بنائے گی جس کے لئے یکم اپریل سے کام شروع کردیا گیا ہے۔
محکمہ خوراک کے مطابق اب تک 6333.85 ملین ٹن گندم ابھی تک خریدی گئی ہے۔
سندھ کابینہ کی جانب سے محکمہ خوراک کے لئے گندم دینے کیلئے فارم 7 دیکھنے کی شرط ختم کردی گئی ہے۔
اسکے علاوہ سندھ کابینہ کے اجلاس میں اہم فیصلے بھی کیے گئے ہیں۔
ترجمان وزیراعلیٰ سندھ کے مطابق کابینہ نے 250 ڈیزل ہائیبرڈ الیکٹرک بسوں کی خریداری کا فیصلہ کرلیا ہے جبکہ پروجیکٹ کیلئے چار ارب روپے جاری کئے جاچکے ہیں۔
الیکٹرک بسیں کراچی، حیدرآباد، سکھر، لاڑکانہ، میرپورخاص اور نواب شاہ میں چلائی جائیں گی۔
سندھ کابینہ کی جانب سے سیلف ایمپلائیمنٹ اسکیم کے تحت بلا سود چھوٹے قرضوں کی فراہمی کی منظوری بھی دے دی گئی ہے جس کے تحت 2.2 ارب روپے کے قرضے دیئے جائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News