صدر پاکستان ڈاکٹر عارف علوی نے کہا ہے کہ صرف چند احتیاطی تدابیر اختیار کرکے اپنے پیاروں اور ہم وطنوں کی زندگیوں کو بچایا جاسکتا ہے۔
صدر مملکت ڈاکٹر عارف علوی کی زیر صدارت گورنرہاﺅس میں کورونا وائرس کی تیسری لہر اور ایس او پی پر عملدرآمد سے متعلق اعلیٰ سطحی اجلاس ہوا ہے۔
دوران اجلاس صدر پاکستان ڈاکٹر عارف علوی نے عوام سے اپیل کی کہ لوگ بہت زیادہ احتیاط کریں کیونکہ کورونا کی نئی لہر پہلے سے زیادہ مہلک ہے اور بہت تیزی سے پھیل رہی ہے۔
ڈاکٹر عارف علوی نے کہا ہے کہ حکومت کو ایک بار پھر عوام کا تعاون درکار ہے، سب سے گزارش ہے کہ احتیاطی تدابیر پر عمل کریں۔
اجلاس میں وفاقی وزیر براۓ منصوبہ بندی، ترقی و خصوصی اقدامات اسد عمر نے صدر مملکت کو بریفنگ دی اور بتایا کہ ملک میں کورونا وائرس کے پھیلاؤ کی صورتحال تشویشناک ہوتی جارہی ہے۔
وفاقی وزیر اسد عمر نے کہا ہے کہ موجودہ وباء کی لہر پہلے سے زیادہ مہلک ہے اور یہ بہت تیزی سے پھیل رہی ہےاور کورونا وائرس کے کیسز میں نمایاں اضافہ دیکھنے میں آرہا ہے ۔
اسد عمر نے بتایا کہ اسپتالوں میں آکسیجن کی طلب میں اضافے کے باعث آکسیجن کی فراہمی کی صلاحیت اب دباؤ کا شکار ہے۔
اسد عمر نے کہا ہے کہ ایس او پیز پر عملدرآمد نہ کرنے والوں کے خلاف کارروائی کرنے کی بھی ہدایت کی گئی ہیں، فی الحال چند مزید پابندیاں لگائی گئی ہیں امید ہے اس کے نتائج مثبت سامنے آئیں گے۔
اس دوران گورنر سندھ عمران اسماعیل نے کہا ہے کہ صوبائی حکومتوں سے ایس او پیز پر عملدرآمد اور پابندیوں کے حوالے سے مشاورت کا عمل یقینی بنایا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News