عوام تبدیلی کے لئے گھروں سے نکل رہی ہے، عثمان ڈار

عروبہ خان

10th Apr, 2021. 02:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عوام تبدیلی کے لئے گھروں سے نکل رہی ہے، عثمان ڈار

پاکستان تحریک انصاف کے رہنما عثمان ڈار نے کہا ہے کہ ڈسکہ ترقیاتی کاموں میں پیچھے رہ گیا ہے اس لئے آج عوام تبدیلی کے لئے گھروں سے نکل رہی ہے۔

تفصیلات کے مطابق این اے 75 ڈسکہ میں پاکستان تحریک انصاف کے رہنما عثمان ڈار نے میڈیا سے گفتگو کرتے ہوئے کہا ہے کہ ڈسکہ کے ضمنی الیکشن میں پی ٹی آئی کامیاب ہو گی۔

انہوں نے کہا کہ این اے۔ 75 میں اصل مقابلہ مسلم لیگ(ن) سے ہے، یہاں پی ڈی ایم کی باقی جماعتوں کا ووٹ نہیں ہے۔

انہوں نے کہا کہ پی ڈی ایم نے کافی دن تماشا لگائے رکھا تھا، مریم نواز پی ڈی ایم کو اپنے مفادات کے لئے استعمال کر رہی تھیں۔

عثمان ڈار نے کہا ہے کہ الیکشن کمیشن کی جانب سے منتخب نمائندوں کے پولنگ اسٹیشن پر داخلے کی پابندی خوش آئند اقدام ہے۔

انہوں نے مزید کہا کہ اسلحہ کی نمائش کرنے والوں کے خلاف بلا امتیاز کارروائی ہونی چاہیئے اور ایسے افراد کا تعلق کسی بھی جماعت سے ہو اجازت نہیں ہونی چاہیئے۔