وزیر اعظم کے معاون خصوصی برائے صحت ڈاکٹر فیصل سلطان کا کہنا ہے کہ گزشتہ ایک دو دنوں میں کورونا وائرس کی نئی اقسام کے بارے میں گفتگو ہوتی رہی ہے۔
ایک ویڈیو پیغام میں فیصل سلطان کا کہنا تھا کہ تمام وائرس وقت کے ساتھ ارتقاء کے عمل سے گزرتے ہیں، اس کے نتیجے میں نۓ ویرینٹس اور اقسام سامنے آتی رہتی ہیں، کچھ ماہ پہلے برطانیہ میں ایک نئی قسم بتائی گئی جس کو بی ون ون سیون کا نام دیا گیا ہے، یہ قسم اس وقت دنیا کے بیشتر ممالک میں موجود ہے۔
انہوں نے کہا کہ اسی طرح جنوبی افریقہ سے ایک سٹرین ڈسکرائب کیا گیا جس کو بی ون تھری فائیو بولتے ہیں اور برازیل میں ایک قسم پائی گئ جس کو بی ون بولتے ہیں، صرف یہی دو یا تین اقسام موجود نہیں ہیں بلکہ بہت ساری اقسام دنیا میں موجود ہیں۔ بی ون ون سیون کے بارے میں تحقیق ہوئی تو پتہ چلا یہ نسبتاً زیادہ تیزی سے پھیلتا ہے۔
ڈاکٹر فیصل سلطان نے مزید کہا کہ کچھ وائرس ویرینٹس کی اقسام ایسی ہیں جو دوبارہ انفیکشن ہونے کا چانس زرہ ذیادہ رکھتی ہیں، جو ویکسین پاکستان میں جاری ہیں ہم ان کے بارے میں کہہ سکتے ہیں آپ انکوں اعتماد کے ساتھ استعمال کریں، جب آپ کی باری آتی ہے تو ویکسین لگوانے ضرور جائیں، تاکہ آپ ویکسینیشن کے ذدیعے شدید خطرناک صورتحال سے بچ سکیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News