وفاقی وزیر اطلاعات و نشریات فواد چوہدری سے فلسطینی سفیر احمد ربائی سے ملاقات ہوئی ہے۔
تفصیلات کے مطابق وفاقی وزیر فواد چوہدری نے عید کے دن فلسطینی سفارتخانے کا دورہ کیا۔
دورے کے دوران فواد چوہدری نے پاکستان میں تعینات فلسطین کے سفیر احمد ربائی سے ملاقات کی۔
ملاقات میں وفاقی وزیر فواد چوہدری نے فلسطینی سفیر کو وزیراعظم پاکستان کا فلسطین کے عوام کے لیئے یکجہتی کا پیغام پہنچایا۔
فواد چوہدری کا کہنا تھا کہ اس عید کے موقع پر پاکستان کی پوری قوم فلسطین کے عوام کے ساتھ کھڑے ہیں، پاکستان کی پوری قوم فلسطین میں جاری اسرائیلی مظالم پر سراپہ مضطرب اور احتجاج میں ہے، فلسطین کو ہر سطح پر پاکستان کی حکومت کی اعانت حاصل رہیگی، وزیراعظم پاکستان عمران خان بذات خود فلسطین کے حالات کا جائزہ لے رہے ہیں۔
ملاقات میں فواد چوہدری نے مزید کہا کہ وزیراعظم عمران خان فلسطین کے مسئلہ پر مسلسل اسلامی ریاستوں کے حکمرانوں سے رابطے میں ہیں جبکہ وزیر اعظم نے ترک صدر طیب اردوان اور سعودی ولی عہد محمد بن سلمان سے رابطہ کرکے فلسطین میں مسلط اسرائیلی جارہیت کو بین الاقوامی سطح پر اٹھانے کا اعادہ بھی کیا ہے۔
اس موقع پر فلسطینی سفیر احمد ربائی نے فواد چوہدری سے پاکستان کی فلسطینی عوام کے ساتھ اظہار یکجہتی پر اظہار تشکر کرتے ہوئے کہا کہ پاکستان کی اظہار یکجہتی سے ہم اپنے آپ کو مظبوط محسوس کرتے ہیں۔
فلسطینی سفیر کے جانب سے بتائے گئے اعداد و شمار کے مطابق اب تک 1000 فلسطینی بشمول خواتین و بچے لقمہ اجل بن چکے ہیں جبکہ 1500 فلسطینی اب تک اسرائیلی مظالم کے سبب زخمی اور 1000 گھر تباہ ہوچکے ہیں۔
فوادچوہدری نے کہا کہ قائد اعظم محمد علی جناح پاکستان فلسطین حکمت عملی کے بانی ہیں اور ہم اسی حکمتی عملی پر عمل پیرا ہیں۔
وفاقی وزیر فواد چوہدری نے فلسطینی سفارتخانہ کی یاداشت پر بھی اپنے دورہ اور فلسطین کے موجودہ حالات پر اپنے جزبات و خیالات کو قلمبند بھی کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News