ترجمان سندھ حکومت مرتضیٰ وہاب نے کہا ہے کہ وزیراعظم کا احساس تصاویر اور ویڈیوز کی حد تک ہے۔
تفصیلات کے مطابق ترجمان سندھ حکومت مرتضیٰ وہاب نے میڈیا بریفنگ کے دوران بتایا ہے کہ وزیراعظم عمران خان کے پہلی بار بازار میں آنے پر ترجمانوں کی جانب سے بڑے شادیانے بجائے گئے لیکن اس دوران بازار میں کوئی خریدار نظر نہیں آیا ۔
مرتضیٰ وہاب نے کہا ہے کہ بازار میں کوئی نہیں تھا وزیراعظم کو احساس کرنا چاہئے کہ عام آدمی خریداری نہیں کرسکتا اور دوسری وجہ یہ ہوسکتی ہے کہ لوگوں کو بازار میں آنے ہی نہیں دیا گیا ہو۔
انہوں نے کہا ہے کہ مہنگائی کی شرح 11اعشاریہ ایک فیصد ہوچکی ہے جس کے بعد کھانے پینے کی اشیاء کی قیمتوں میں 15 فیصد تک اضافہ ہوا ہے۔
انہوں نے مزید کہا کہ اشیا کی قیمتیں آسمان کو چھو رہی ہیں عام آدمی کی قوت خرید ختم ہوچکی ہے۔
ان کا کہنا تھا کہ گزشتہ 8 ماہ میں 3.7 ملین کی کاٹن کی امپورٹس کی ہیں اور مزید امپورٹ کرنے جا رہے ہیں، اسکے باعث کئی فیکٹریاں بند ہوگئی ہیں کیونکہ بجلی اور گیس نہیں ہے اور کپاس امپورٹ کی جارہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News