ملک میں کورونا اور ویکسین کی صورتحال کے حوالے سے وزیراعظم عمران خان کی جانب سے قومی رابطہ کمیٹی برائے کورونا کا اجلاس آج طلب کرلیا گیا ہے۔

اجلاس میں ملک میں کورونا کی تازہ صورتحال کا جائزہ لیا جائے گا اور وزیراعظم عمران خان کو ویکسینیشن سے متعلق امور پر بریفنگ دی جائے گی۔

این سی او سی نے آزادکشمیر کے انتخابات ملتوی کرنے کی سفارش کی تھی جس کے حوالے سے اجلاس میں فیصلہ کیا جائیگا۔

اسکے علاوہ قومی رابطہ کمیٹی برائے کورونا کے اجلاس میں  لاک ڈاؤن میں نرمی سمیت اہم فیصلے متوقع کیے جارہے ہیں۔

خیال رہے کہ اجلاس میں چاروں صوبوں کے نمائندگان اور این سی او سی حکام بھی شریک ہوں گے۔