بلوچستان میں سیکیورٹی فورسز کے آپریشن کے نتیجے میں 2 دہشتگرد ہلاک ہوگئے ہیں۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز کی جانب سے بلوچستان کے ضلع خاران کے علاقے ہلمرگ میں خفیہ اطلاعات پر آپریشن کیا گیا ہے۔

آئی ایس پی آر نے بتایا ہے کہ بلوچستان میں خفیہ اطلاعات پر کیے گئے سیکیورٹی فورسز آپریشن میں 2 دہشتگرد ہلاک ہوگئے ہیں جبکہ مارے گئے دہشت گردوں سے بھاری مقدار میں اسلحہ اور بارود برآمد کیا گیا ہے۔

آئی ایس پی آر نے بتایا کہ فائرنگ کے تبادلے میں ایف سی کا سپاہی فدا الرحمان شہید ہوگیا ہے جس کا تعلق چترال کے علاقے مستوج سے ہے۔