سلیکٹڈ حکمرانوں نے کشمیر کو بھی نہیں بخشا، ناصر حسین

اریبہ تنویر

26th Jul, 2021. 09:23 pm
فلاحی اداروں

صوبائی وزیر بلدیات برائے سندھ سید ناصر حسین شاہ نے کہا ہے کہ سلیکٹڈ حکمرانوں نے کشمیر کو بھی نہیں بخشا۔

تفصیلات کے مطابق سید ناصر حسین شاہ نے پریس کانفرنس کرتے ہوئے کہا کہ کشمیر انتخابات میں دھاندلی اور پری پول رگنگ کے تمام ریکارڈز توڑ دیئے گئے ہیں۔

ناصر حسین نے کہا ہے کہ عمران خان گنڈا پور اور وفاقی وزراء الیکشن کمیشن کے کوڈ آف کنڈٹ کی دھجیاں اڑاتے رہے اور اے جے کے الیکشن کمیشن دیکھتا رہا۔

صوبائی وزیر بلدیات کا یہ بھی کہنا تھا کہ کشمیر کے گذشتہ آر او الیکشن میں پیپلز پارٹی نے تین نشستیں حاصل کی تھیں۔ وفاقی مشینری کے بے دریغ استعمال کے باوجود پاکستان پیپلز پارٹی نے اس مرتبہ 11 نشستوں پر کامیابی حاصل کی ہے۔

ناصر حسین کا کہنا تھا کہ پی ٹی آئی کے جھوٹے وزراء اور ترجمان کہتے رہے کہ پیپلز پارٹی نے 8 سیٹوں پر امیدوار کھڑے کئے ہیں ۔ پیپلز پارٹی نے 11 نشستوں پر تو کامیابی حاصل کی ہے۔

صوبائی وزیر بلدیات نے پریس کانفرنس کرتے ہوئے کہا کہ فری اور فیئر الیکشن ہوتے تو پاکستان پیپلز پارٹی انتخابات میں سوئیپ کرتی۔

ناصر حسین نے مزید کہا کہ پی ٹی آئی اور الیکشن کمیشن کے گھٹ جوڑ پر جلد پیپلز پارٹی اجلاس طلب کر کے اپنے اگلے لائحہ عمل کا اعلان کرے گی۔

Adsence 300X250

مزید پڑھیں