پی آئی اے نے کورونا ویکسینیشن نا کرانے والے شہریوں پر ہوائی سفر کی پابندی عائد کردی ہے جس کا اطلاق آج رات 12 بجے سے ہوگا۔
پاکستان انٹرنیشنل ائیرلائنز(پی آئی اے) نے تمام مسافروں کو آگاہ کردیا کہ یکم اگست سے ڈومیسٹک پروازوں پر کورونا ویکسینیشن نہ کرانے والے سفر نہیں کرسکیں گے،مسافروں کو جہاز میں بیٹھنے سے قبل کورونا ویکسینیشن سرٹیفکیٹ لازمی دکھانا ہوگا۔
پی آئی اے کا کہنا ہے کہ ویکسین کا ایک ڈوز لگانے والے سفر کرسکیں گے جبکہ کورونا ویکسین کے لیے 1166 کا پیغام بھی دکھانا ہوگا۔
پی آئی اے کی جانب سے جاری کردہ نوٹیفیکیشن کے مطابق کسی بیماری کے پیش نظر کورونا ویکسینیشن نہ کرانے والوں کو طبی ماہرین سے حاصل سرٹیفکیٹ دکھا کر سفر کی اجازت ہوگی۔
واضح رہے کہ این سی او سی کی ہدایت پر سی اے اے نے یکم اگست سے کورونا ویکسینیشن نہ کرانے والوں پر ہوائی سفر کی پابندی عائد کرنے کا فیصلہ کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News