کراچی ائیرپورٹ پر تربیتی طیارہ حادثے سے بال بال بچ گیا ہے۔

تفصیلات کے مطابق تربیتی طیارے میں اڑان بھرنے کے کچھ ہی دیر بعد فنی خرابی پیدا ہو گئی اور سسٹم فریز ہونے کے باعث کام کرنا چھوڑ دیا۔

ذرائع کا کہنا تھا کہ فنی خرابی کے باعث طیارے کا کنٹرول ٹرینی کپتان کے بس میں نہیں رہا۔

ذرائع نے کہا کہ غیرمعمولی صورتحال کی وجہ سے سیسنا طیارے کے کپتان کو مے ڈے مے ڈے کی کال دینی پڑی۔

ذرائع نے کہا کہ مے ڈے کال کے بعد ہنگامی صورتحال ڈیکلیئر ہونے کے بعد فائر کے عملے کو طلب کیا گیا۔

ذرائع نے کہا کہ کنٹرول ٹاور کی معاونت سے کپتان نے تربیتی طیارے کو باحفاظت رن وے پر اتار لیا۔

ترجمان سی اے اے کا اس واقعے پر کہنا تھا کہ تربیتی ساختہ طیارے میں دوران اڑان فنی خرابی پیدا ہوئی تھی۔

ترجمان سی اے اے کا کہنا ہے کہ طیارے کی بحفاظت لینڈنگ ہوئی اور کپتان اورطیارہ دونوں محفوظ رہے۔

ذرائع کے مطابق تربیتی طیارہ اسکائی ونگ ایوی ایشن کا ہے اور اس کا ریجسٹریشن نمبر اے پی بی ڈی جے ہے۔

ذرائع کا کہنا تھا کہ جہاز میں تربیتی پائلٹ سمیت اسکائی ونگ کا پائلٹ سوار تھا۔

اسکائی ونگ حکام نے تصدیق کی کہ طیارہ بحفاظت لینڈ کرا لیا گیا ہے اور طیارہ بڑے حادثے سے بچ گیا ہے۔