چیئرمین پلاننگ اینڈ ڈویلپمنٹ عبداللہ خان سنبل نے کہا ہے کہ پنجاب کے تمام تر شہریوں کو یکساں حفظان صحت کی سہولیات فراہم ہوں گی۔
تفصیلات کے مطابق پنجاب بھر میں ہیلتھ انشورنس پروگرام کے تحت یونیورسل ہیلتھ انشورنس کے نفاذ کے حوالے سے اہم اجلاس منقعد ہوا جس کی صدارت چیئرمین پلاننگ اینڈ ڈویلپمنٹ عبداللہ خان سنبل نے کی اور اس اجلاس میں تمام صوبائی سیکرٹریز اور پی اینڈ ڈی بورڈ کے اراکین نے شرکت کی۔
ذرائع نے کہا کہ اجلاس میں پی سی 1 کے ہیلتھ انشورنس کے لیے 332 بیلین روپے کی سفارشات پیش کی گئیں۔
اجلاس میں فیصلہ ہوا کہ پنجاب کی 100 فیصد آبادی کی ہیلتھ انشورنس کو یقینی بنایا جائے۔
عبداللہ خان سنبل کا اس اجلاس میں کہنا تھا کہ تمام تر شہریوں کو یکساں حفظان صحت کی سہولیات فراہم ہوں گی اور تمام تر شہریوں کے لیے ہیلتھ انشورنس کا نفاذ دسمبر 2021 تک مکمل ہو جائے گا۔
عبداللہ خان سنبل نے کہا کہ اس اسکیم سے صحت پر ہونے والے لمبے چوڑے اخراجات سے چھٹکارا حاصل کرنا ممکن ہے۔
چیئرمین پلاننگ اینڈ ڈویلپمنٹ کا مزید کہنا تھا کہ اسکیم کی کامیابی کے لیے کوشاں تمام تر اسٹیک ہولڈرز کی کاوشیں قابل تحسین ہیں اور اسکیم کو مکمل کامیاب بنانے کے لیے ہر حوالے سے جائزہ لیا جا رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News