وزارت خارجہ نے بھارتی ناظم الامور کو دفتر خارجہ طلب کرکے مقبوضہ کشمیر میں پاکستانی قیدی کا قتل ہونے پر وضاحت مانگ لی۔
ترجمان دفتر خارجہ عاصم افتخار احمد کا کہنا ہے کہ بھارتی ناظم الامور کو دفتر خارجہ طلب کرکے پاکستان نے سویلین قیدی ضیا مصطفیٰ کے قتل پر شدید احتجاج کیا ہے اور بھارتی ناظم الامور کو بتایا گیا کہ ضیا مصطفیٰ 2003 سے بھارت کی قید میں تھا۔
ترجمان دفتر خارجہ نے کہا کہ پاکستان نے پاکستانی قیدیوں کی حفاظت اور تحفظ کے حوالے سے شدید تحفظات کا اظہار کیا۔
انہوں نے کہا کہ یہ پہلی دفعہ نہیں ماضی میں بھی پاکستانی سیویلین قیدی مردہ پائے گئے، پاکستان بھارت کی ماورائےعدالت قتل کی شدید مذمت کرتا ہے۔
ترجمان دفتر خارجہ نے مزید کہا کہ بھارتی حکومت فوری طور پر شفاف تحقیقات کرے اور ذمہ داروں کا تعین کرے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
