نامور شاعر و ادیب ڈاکٹر اجمل نیازی کی نماز جنازہ ادا کر دی گئی

اریبہ تنویر

18th Oct, 2021. 05:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نامور شاعر و ادیب ڈاکٹر اجمل نیازی کی نماز جنازہ ادا کر دی گئی

نامور شاعر و ادیب ڈاکٹر اجمل نیازی کی نماز جنازہ ادا کر دی گئی ہے۔
تفصیلات کے مطابق نامور شاعر و ادیب ڈاکٹر اجمل نیازی کی نماز جنازہ لاہور کی وحدت کالونی کے گرائونڈ میں ادا کی گئی ہے۔
ذرائع کا کہنا ہے کہ ڈاکٹر اجمل نیازی کی نماز جنازہ میں ادیبوں، شاعروں، صحافیوں اور سیاسی شخصیات نے شرکت کی ہے۔
یاد رہے کہ ممتاز شاعر، صحافی اور کالم نگار ڈاکٹر اجمل نیازی 75 برس کی عمر میں آج لاہور میں انتقال کر گئے ہیں۔
واضح رہے کہ وفاقی وزیر ریلوے اعظم خان سواتی نے ممتاز شاعر، صحافی اور کالم نگار ڈاکٹر اجمل نیازی کے انتقال پر اظہار افسوس کرتے ہوئے کہا ہے کہ مرحوم نے نہ صرف شعبہ تعلیم میں خدمات انجام دیں بلکہ وہ صحافت جیسے عظیم شعبے سے بھی وابستہ رہے۔

انہوں نے کہا کہ ڈاکٹر اجمل نیازی مرحوم نے اردو اور پنجابی شاعری کے ساتھ ساتھ 45 سال تک ادب کی خدمت میں گزارے ، ڈاکٹر اجمل نیازی کے انتقال سے شعبہ صحافت، شعبہ تعلیم اور ادب کے میدان میں پیدا ہونے والا خلا کبھی پر نہیں ہوگا۔
اعظم خان سواتی نے کہا کہ اجمل نیازی اپنے قلم کے ذریعے معاشرے کی اصلاح کرتے رہے ، شعبہ صحافت میں اجمل نیازی کی خدمات ہمیشہ یاد رکھی جائیں گی ، اجمل نیازی صحافت کے علمبردار ہونے کے ساتھ ساتھ بلند پایا شاعر بھی تھے۔
وفاقی وزیر ریلوے اعظم خان سواتی نے کہا کہ اجمل نیازی اپنے کالم کے ذریعے سماجی مسائل اجاگر کرتے رہے ، اللہ تعالیٰ اجمل نیازی کو کروٹ کروٹ جنت نصیب کرے اور اہلخانہ کو صبر وجمیل عطا فرمائے۔