جاپانی سفیر کی وزیراعظم عمران خان سے ملاقات

اریبہ تنویر

18th Oct, 2021. 07:21 pm

جاپانی سفیر نے وزیراعظم عمران خان سے ملاقات کی ہے۔
تفصیلات کے مطابق جاپانی سفیر اور وزیراعظم عمران خان نے ملاقات کی جس میں وزیراعظم نے سفیر کو پاکستان میں اپنی مدت پوری کرنے پر مبارکباد پیش کی۔

وزیراعظم نے ملاقات میں سفیر کی مستقبل کی ذمہ داری کے لیے نیک خواہشات کا اظہار کیا۔

سفیر نے عمران خان کا جاپان کے نئے وزیر اعظم کو خط لکھنے پر ان کا شکریہ ادا کیا ہے۔

وزیر اعظم عمران خان نے ملاقات میں جاپان کے ساتھ تعلقات کی اہمیت پر زور دیتے ہوئے کہا کہ ہم جاپان کے ساتھ معاشی، تجارت، ترقی اور سرمایہ کاری کے شعبوں میں دو طرفہ تعاون کو مزید بہتر کرنا چاہتے ہیں۔

وزیراعظم نے کہا کہ عالمی برادری کو نئی افغان انتظامیہ کے ساتھ مثبت طور پر رابطے میں رہنا چاہیے اور افغانستان کو فوری طور پر انسانی امداد کی ضرورت ہے۔

عمران خان نے کہا کہ افغانستان کے منجمد اثاثوں کی رہائی سمیت اقتصادی تباہی کو روکنے کے لیے اقدامات ضروری ہیں۔
ملاقات میں وزیراعظم نے افغانستان میں قومی مفاہمت اور ایک جامع سیاسی ڈھانچے کی اہمیت پر بھی زور دیا ہے۔
ملاقات میں جاپانی سفیر نے وزیر اعظم عمران خان سے اظہار تشکر کیا ہے۔
جاپانی سفیر نے جاپانی شہریوں اور دیگر کو افغانستان سے نکالنے میں سہولت فراہم کرنے پر حکومت پاکستان کا شکریہ بھی ادا کیا ہے۔

ملاقات میں یہ طے پایا کہ 2022 میں پاکستان اور جاپان کے درمیان سفارتی تعلقات کے قیام کی 70 ویں سالگرہ منائی جائے گی۔

Square Adsence 300X250