پاکستانیوں کے لیے اچھی خبر، سعودی عرب میں براہ راست جانے کی اجازت مل گئی

Muhammad Kashan

26th Nov, 2021. 11:39 am

ریاض: سعودی عرب نے پاکستان سمیت 6 ممالک کو براہ راست داخلے کی اجازت دے دی ہے۔

ذرائع کے مطابق سعودی عرب جانے والوں کے لیے اچھی خبر سامنے آگئی ہے، سعودی حکومت نے پاکستان سمیت 6 ممالک کے مسافروں کو براہ راست مملکت میں داخلے کی اجازت دے دی ہے۔

ذرائع کے مطابق جن ممالک کو اجازت دی گئی ہے ان میں پاکستان، بھارت، انڈونیشیا، مصر، برازیل اور ویتنام  شامل ہیں جن کے مسافر براہ راست سعودی عرب جا سکیں گے۔

ذرائع کے مطابق نئی پالیسی کا اطلاق یکم دسمبر 2021 سے ہو گا جبکہ ملک بھر سے پاکستانی تیسرے ملک میں قرنطنیہ رہنے کے بغیر ہی سعودی جا سکیں گئے۔

واضح رہے کہ اس سے قبل پاکستانیوں پر مملکت میں داخلے کے لیے غیر پابندی شدہ ملک میں 14 دن قرنطینہ رہنے کی شرط عائد تھی جبکہ اس پالیسی کا اطلاق اقامہ ہولڈرز مسافروں ہو گا۔

ذرائع کے مطابق پابندیوں میں نرمی کی وجہ سے جلد عمرہ ویزا بحال کیے جانے کا بھی امکان ہے۔

Square Adsence 300X250