صدر مملکت ڈاکٹر عارف علوی کا کہنا ہے کہ بد عنوانی کے خاتمے کیلئے مؤثر قوانین اور ان کے نفاذ کی ضرورت ہے۔
تفصیلات کے مطابق صدر مملکت ڈاکٹر عارف علوی نے انسدادِ بد عنوانی کے عالمی دن پر تقریب سے خطاب کرتے ہوئے کہا کہ دینِ اسلام نے ایمانداری اور دیانت داری کی تلقین کی ہے۔
صدر مملکت نے کہا معاشرے کو کرپشن اور کرپٹ عناصر کے خلاف مزاحمت کرنا ہوگی، بد عنوانی کے خاتمے کیلئے عدلیہ کو تیز تر انصاف فراہم کرنا ہوگا۔
صدر مملکت ڈاکٹر عارف علوی نے کہا کہ انسدادِ بدعنوانی کیلئے پارلیمان ، عدلیہ اور حکومت کو اپنا کردار ادا کرنا ہوگا۔
صدر مملکت نے کہا کہ حالیہ سروے نے بدعنوانی کے خاتمے میں عدلیہ کے کردار کو اجاگر کیا، بدعنوانی کے خاتمے کیلئے میڈیا اپنا کردار ادا کرے۔
صدر مملکت کا کہنا تھا کہ بدعنوانی کے خلاف نیب اور اس کے افسران کی کاوشوں کو سراہتا ہوں، نیب کو اب تک 821 ارب روپے کی ریکوری پر مبارکباد پیش کرتا ہوں۔
ڈاکٹر عارف علوی نے کہا کہ غریب ممالک کی لوٹی ہوئی دولت بعض ترقی یافتہ ممالک کے بینکوں میں جمع کرائی گئی ہے۔
خیال رہے کہ آج دنیا بھر میں انسداد بدعنوانی کا عالمی دن منایا جارہا ہے، اقوام متحدہ کی جنرل اسمبلی نے31اکتوبر2003ء کو اعلان کیا تھا کہ ہر سال 9دسمبر کو ورلڈ اینٹی کرپشن ڈے یعنی انسداد بدعنوانی کا عالمی دن منایا جائے گا۔
اس ضمن میں پہلا ورلڈ اینٹی کرپشن ڈے 9 دسمبر 2004ء کومیکسیکو میں منایا گیا تھا جو کہ اب ہرسال کرپشن کے خلاف جنگ کے عزم کی ازسرنو تجدید کے ساتھ دنیا بھر میں منایا جاتا ہے۔
اس دن کو منانے کا مقصد عالمی معاشرے کو کرپشن سے پاک کرنے کے عزم کو فروغ دینے کے ساتھ ساتھ ایسے اقدامات بھی اُٹھانا ہے، جس سے کرپشن کی مکمل روک تھام ہو سکے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News