کشمیری رہنما یاسین ملک کی اہلیہ مشعال ملک نے کہا ہے کہ کشمیر کے پاس اپنے دفاع کے لیے فوج نہیں ہے۔

مشعال ملک نے راولپنڈی آرٹس کونسل میں میڈیا سے گفتگو کرتے ہوئے کہا کہ آرٹس کونسل نے ہمشہ کشمیر کا مسئلہ اجاگر کیا ہے۔

انہوں نے کہا کہ ہندوستان نے جنت کشمیر کو دوزخ بنا دیا ہے، بھارتی فوجی لاشوں کی بےحرمتی کرتے ہیں، دنیا اندھی، گونگی، بہری ہے جو بھارت سے گھبراتی ہے۔

مشعال ملک نے کہا کہ بی جے پی کے دور میں ڈس انفولیب سامنے آئی، کشمیر کے پاس اپنے دفاع کے لیے فوج نہیں ہے، کل کا واقعہ ہوا، اللہ قانون قدت رکھتا ہے۔

کشمیری رہنما یاسین ملک کی اہلیہ کا کہنا ہے کہ جنرل بپن راوت اور ان کی اہلیہ کا اختتام پیغام دیتا ہے، کسی بھی شخص پر طلم نہیں کرنا چاہیے، یہ کہتے تھے کشمیریوں کی میت نہیں دیں گے۔

مشعال ملک نے مزید کہا کہ بپن راوت کی لاش کے لیے ڈی این اے ٹیسٹ ہورہا ہے، مظلوموں کی آہیں آسمان تک جاتی ہیں۔

واضح رہے کہ گزشتہ روز بھارتی میڈیا رپورٹس کے مطابق ریاست تمل ناڈو کے علاقے کنور میں فوجی ہپلی کاپٹر گر کر تباہ ہوگیا جس کے نتیجے میں ہیلی کاپٹر میں سوار 13 افراد ہلاک ہوگئے ہیں جس میں بھارتی چیف آف ڈیفنس اسٹاف جنرل بپن راوت اور ان کی اہلیہ بھی شامل تھی۔