صوبائی وزیر صحت ڈاکٹر یاسمین راشد کا کہنا ہے کہ صحت مند ماں ہی صحت مند معاشرہ کی بنیاد رکھ سکتی ہے۔
تفصیلات کے مطابق صوبائی وزیر صحت ڈاکٹریاسمین راشد نے مقامی ہوٹل میں محکمہ پرائمری اینڈ سیکنڈری ہیلتھ کئیراور ورلڈ بینک کے زیراہتمام ”انڈراسٹینڈنگ پنجاب پالیسی انوائرمنٹ فارایڈوانسنگ فیملی پلاننگ آؤٹ کمز“کے عنوان پر منعقدہ ورکشاپ میں بطورمہمان خصوصی شرکت ہے۔
ورکشاپ کے دوران پنجاب میں خاندانی منصوبہ بندی کیلئے جامع حکمت عملی پر تبادلہ خیال کیا گیا ، صوبائی وزیرصحت ڈاکٹریاسمین راشد نے شرکاء سے خطاب کرتے ہوئے کہا کہ آج انتہائی اہم مسئلہ کے حل کیلئے ہم سب اکٹھے ہوئے ہیں۔
ڈاکٹر یاسمین راشد کا کہنا تھا کہ پنجاب میں ماں اور اور بچہ کی صحت کو یقینی بنانے کیلئے بنیادی اقدامات اٹھائے جارہے ہیں جبکہ وزیراعظم عمران خان نے بھی اپناعہدہ سنبھالنے کے بعد پہلی تقریر میں ماں اور بچہ کی صحت بارے بات کی تھی۔
صوبائی وزیر صحت نے کہا کہ پاکستان میں بڑھتی ہوئی آبادی پر قابو پانا انتہائی اہم ہوچکا ہے، بچوں کی پیدائش میں مناسب وقفہ ہوناچاہیے۔
انہوں نے کہا کہ خاندانی منصوبہ بندی میں تعلیم یافتہ معاشرہ بنیادی کردارادا کرتاہے، خاندانی منصوبہ بندی کیلئے اجتماعی سوچ پر کام کرنا ہوگا۔
ڈاکٹر یاسمین راشد نے کہا کہ خاندانی منصوبہ بندی کیلئے تمام اسٹیک ہولڈرزکی موجودگی خوش آئند ہے، پنجاب میں مربوط حکمت عملی کے باعث کورونا کے خلاف جنگ میں سرخروہوئے ہیں۔
انہوں نے کہا کہ خسرہ اور روبیلا سے بچاؤ کی قومی مہم کے دوران پنجاب کے 4کرور80لاکھ بچوں کو ویکسینیٹ کرنے پر سیکرٹری صحت عمران سکندربلوچ کو شاباش دیتی ہوں۔
ڈاکٹریاسمین راشد کا کہنا تھا کہ وزیراعظم عمران خان سے خاندانی منصوبہ بندی پر تفصیلی مشاورت ہوچکی ہے، وزیراعظم عمران خان نے ”2بچے خوشحال گھرانہ“کی مشن اسٹیٹمنٹ کے عملدرآمد پرزوردیا ہے۔
انہوں نے کہا کہ معاشرہ میں ماؤں کی صحت کی اہمیت بارے آگاہی مہم چلائی جائے گی کیونکہ صحت مندماں ہی صحت من دمعاشرہ کی بنیادرکھ سکتی ہے۔
ڈاکٹر یاسمین راشد کا کہنا تھا کہ ہمیں آبادی پر قابوپا کردنیا کے ترقی یافتہ ممالک میں شامل ہونا ہے۔
واضح رہے کہ ورکشاپ میں سیکرٹری محکمہ پرائمری اینڈ سکنڈری ہیلتھ کئیرعمران سکندربلوچ، ڈی جی ہیلتھ سروسزڈاکٹرہارون جہانگیر، پرنسپل سروسزانسٹی ٹیوٹ آف میڈیکل سائنسزپروفیسرڈاکٹرطیبہ، یو این ایف پی اے سے ڈاکٹرشعیب، ڈاکٹراختررشید، ڈاکٹرشاہدمگسی،ڈاکٹرسعیداختراور ورلڈبینک کے ہیلتھ افسران نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News