ڈی جی رینجرز سندھ نے چھیپا ویلفیئر ٹرسٹ کا دورہ کیا ہے۔
تفصیلات کے مطابق محمد رمضان چھیپا اور دیگر اسٹاف نے ڈی جی رینجرز سندھ میجر جنرل افتخار حسن چوہدری کا استقبال کیا جبکہ دورے کے دوران ڈی جی رینجرز کوٹرسٹ کے مختلف شعبہ جات کے بارے میں تفصیلی بریفنگ دی گئی۔
ڈی جی رینجرز میجر جنرل افتخار حسن چوہدری نے کہا کہ چھیپا ویلفیئرٹرسٹ کی انسانیت کے لیے شعبہ ہائے زندگی میں خدمات بلخصوص انفارمیشن کنٹرول روم کا قیام اورریسکیو ٹریننگ قابل تحسین ہیں۔
ڈی جی رینجرز سندھ میجر جنرل افتخار حسن چوہدری نے کہا کہ ہم عوام کو فراہم کی جانے والی سہولیات پر انتظامیہ اور اسٹاف کو سراہاتے ہیں، اور فرا ئض کی بجا آوری کے دوران شہید ہو نے والے چھیپا رضا کاروں کو خراج تحسین بھی پیش کرتے ہیں۔
محمد رمضان چھیپا نے کراچی میں امن وامان کی بحالی کے سلسلے میں پاکستان رینجرز سندھ کی خدمات کو سراہا۔
واضح رہے کہ ڈی جی رینجرز سندھ میجر جنرل افتخار حسن چوہدری نے کچھ روز پہلے کراچی میں کھارادر جنرل اسپتال اور محمد بشیر جان اسکول آف نرسنگ کا دورہ بھی کیا تھا۔
دورے کے دوران ڈی جی رینجرز میجر جنرل افتخار چوہدری نے کراچی کے عوام کو خراج تحسین پیش کرتے ہوئے کہا تھا کہ عوام کی ہمت اور مدد کی وجہ سے شہر میں امن قائم ہوا ہے۔
مزید پڑھیں: ڈی جی رینجرز سندھ کا کھارادر جنرل اسپتال کا دورہ
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News