کراچی میں لوٹ مارکے دوران دکاندار کی فائرنگ سے ایک ڈکیٹ زخمی ہوگیا۔

شہر قائد میں ڈاکو راج برقرار ہے اور عوام اپنی مدد آپ ڈکیتوں کو پکڑنے لگی۔ ایف بی ایریا میں ایک دکاندار سے ڈکیتی کی فوٹیج منظر عام پر آئی ہے جس میں 2 ڈکیت دکان میں داخل ہوتے ہیں اور اسلحہ کے زور پر دکاندار کو یرغمال بناتے ہیں۔

ملزمان دکان کی تلاشی لیتے ہیں اس دوران دکاندار موقع پاتے ہی اسلحہ نکال کر ملزمان پر فائرنگ کردیتا ہے جس سے ایک ملزم فوراً موقع سے فرار ہوجاتا ہے جب کہ دوسرا دکاندار فائرنگ سے زخمی ہوجاتا ہے۔

بعد ازاں مزاحمت اور فائرنگ کے بعد دونوں ملزمان موقع پر سے فرار ہونے میں کامیاب جاتے ہیں۔