کرسمس کے موقع پر مسیحی کمیونٹی کے سرکاری ملازمین کو دسمبر کی تنخواہ ایڈوانس میں دینے کا فیصلہ کیا گیا ہے۔
تفصیلات کے مطابق تمام وفاقی سرکاری ملازمین اور پنشنرز کو تنخواہ 20 دسمبر کو جاری کی جائیں گی۔
وزارت خزانہ کے مطابق متعلقہ ملازمین کو تنخواہ، الاونسز اور پینشن قبل از وقت ادا کی جائیں گی۔
واضح رہے کہ دسمبر کے آغاز کے ساتھ ہی کرسمس کی تیاریوں کے لیے خریداریوں میں بھی تیزی آ گئی ہیں، شہر بھر کے گرجا گھروں اور مسیحی برادری کے گھروں میں کرسمس ٹری کے سجاوٹیں بھی شروع ہو گئی ہیں۔
گرجا گھروں کو رنگ برنگے جھنڈیوں ، برقی قمقوں کے ساتھ سجایا جا رہا ہے جبکہ تجارتی مراکز بھی رات گئے تک کھولے رہنے لگے ہیں تاہم قیمتوں میں بے پناہ اضافہ سے مسیحی برادری کے ملازمین کو مشکلات کا سامنا کرنا پڑ رہا ہے۔
دنیا بھر میں منایا جانے والا کرسمس کا تہوار اپنے ساتھ خوشیاں تو لاتا ہے لیکن اس کے تجارتی فائدے بھی ہیں۔
بچوں کی کتابیں، خصوصی تحائف،کرسمس ٹری، کرسمس کارڈز اور دلفریب سجاوٹیں جگہ جگہ فروخت ہوتی ہیں اور ہر کوئی خریدنا چاہتا ہے۔
یہاں یہ بات بھی اہم ہے کہ کرسمس سے پہلے ہی سینٹا کلاز کا شدت سے انتظار شروع ہو جاتا ہے جو بچوں کے لیے تحائف لے کر آتا ہے جبکہ عالمی وبا کورونا وائرس کے باعث ایس او پیز کا بھی خیال رکھا جا رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News