مکلی میں خطرناک ٹریفک حادثہ پیش آیا ہے۔

تفصیلات کے مطابق مکلی بائے پاس پر سوزوکی اور ڈمپر کے درمیان خطرناک  تصادم سے 1 شخص جاں بحق جبکہ  7  افراد زخمی ہوگئے ہیں۔

ریسکو ذرائع کا کہنا ہے کہ زخمیوں میں تین بچے بھی شامل ہیں جبکہ زخمیوں کو سول ہسپتال ٹھٹھہ  منتقل کردیا گیا ہے۔

واضح رہے کہ پولیس کی  جانب سے ڈرائیور کو گرفتار کرکے ڈمپر کو تحویل میں لے لیا گیا ہے۔

دنیا بھر میں ٹریفک حادثے انسانی جانوں کے لیے ایک بڑے خطرے کے طور پر سامنے آ رہے ہیں، عالمی ادارہ صحت کے مطابق ہر سال لاکھوں افراد ٹریفک حادثات کی وجہ سے اپنی جانوں سے ہاتھ دھو بیٹھتے ہیں۔

ایک عالمی تحقیقاتی ادارے کے مطابق پاکستان میں ہلاکتوں کا باعث بننے والے پچاس عوامل اوربیماریوں میں ٹریفک حادثات پندرہویں نمبر پر ہیں۔

 پاکستان میں ایڈز، ناقص خوراک،  مرگی، تشدد کئی قسم کے سرطان اور خود کشیوں کی وجہ سے انفرادی طور پر ہونے والی اموات سے ٹریفک حادثات میں مرنے والے لوگوں کی تعداد زیادہ ہے۔

اس رپورٹ کے مطابق سب سے زیادہ ٹریفک حادثات موٹر سائیکل سواروں آٹو رکشا والوں اور موٹر کاروں اور وینز چلانے والوں کو پیش آئے اس کے بعد بسوں اور ٹرکوں کے حادثات رپورٹ ہوئے ہیں۔