جمعیت علماء امامیہ پاکستان کے سربراہ علامہ غلام اکبر ساقی نے کہا ہے کہ سری لنکن شہری کا قتل ایک انتہائی شرمناک واقعہ ہے۔

علامہ غلام اکبر ساقی نے گذشتہ دنوں سیالکوٹ میں سری لنکن شہری کے ہونے والے سفاکانہ قتل کی مذمت کرتے ہوئے کہا ہے کہ سری لنکن شہری پری یانتھا کمارا کی لاش کی توہین کی گئی اور اسے جلایا گیا، اس واقعے سے بحیثیت مسلمان اور پاکستانی دنیا بھر میں ہمارا وقار مجروح ہوا ہے۔

ان کا کہنا تھا کہ حکومت واقعہ میں ملوث کرداروں کو عبرتناک سزا دے تاکہ ملک میں انتہا پسندی اور درندہ صفت کرداروں کی حوصلہ شکنی ہو سکے اور پاکستان میں مقیم تمام اقلیتوں میں احساس تحفظ پیدا ہو سکے۔