پیپلز پارٹی وسطی پنجاب کے صدر راجہ پرویز اشرف نے کہا ہے کہ بھٹو سے پہلے کسی عام پاکستانی کو ووٹ کا حق نہیں تھا۔
راجہ پرویز اشرف نے یونین کونسل 226 بہار کالونی کا دورہ کیا جس پر خلیل کامران، حاجی شکیل، یوسف کاظمی، ٹونی شاہ، پاسٹر ڈینل سلیم، پاسٹر کرسٹی اور میاں اظہر اقبال نے ان کا استقبال کیا۔
پرویز اشرف نے ادھر کھڑی عوام سے خطاب کرتے ہوئے کہا کہ 5 دسمبر کو اپنی پرچی کی طاقت سے تیر کو جتوانا ہے۔
انہوں نے کہا کہ بھٹو سے پہلے کسی عام پاکستانی کو ووٹ کا حق نہیں تھا، مسیحی برادری کو دو ووٹوں کا حق پیپلز پارٹی نے دیا۔ لوگو بھٹو کی دی ہوئی پرچی کے ساتھ انصاف کرنا۔
ان کا کہنا تھا کہ ابھی تک رنگ روڈ اور مال روڈ بنانے والوں نے این اے 133 کی گلیاں کیوں نہیں بنائیں؟ یہاں صاف پانی ہے نہ سیوریج سسٹم، یہ کہاں کا انصاف ہے؟
راجہ اشرف نے مزید کہا کہ اب اسلم گل کا نہیں ووٹرز کا امتحان ہے، وعدہ کرتا ہوں اسلم گل اسمبلی میں آ کر عوام کی آواز بنے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News