صدر مسلم لیگ (ن) اور قومی اسمبلی میں قائدِ حزب اختلاف شہباز شریف کا کہنا ہے کہ ‏ ‏زرداری صاحب کا  نواز شریف کے بارے میں بیان افسوس ناک ہے۔

سماجی راطے کی ویب سائٹ ٹوئٹر پر اپنے جاری کردہ ٹوئٹ پیغام میں شہباز شریف نے لکھا ہے کہ  ‏میاں صاحب کی پاکستان کے ساتھ غیر متزلزل وابستگی  ہمیشہ ناقابل تردید رہی ہیں۔

Zardari Sahib’s statement about Mian Nawaz Sharif is unfortunate. Mian Sahib’s unwavering commitment to Pakistan has always been unquestionable. Zardari sb. knows the conditions in which MNS had to go abroad. We should refrain from such remarks & work for greater good of country.

— Shehbaz Sharif (@CMShehbaz) December 9, 2021

شہباز شریف نے لکھا کہ ‏نواز شریف کو کن حالات میں بیرون ملک جانا پڑا آپ جانتے ہیں۔

انہوں نے مزید لکھا کہ ‏ہمیں ایسے ریمارکس سے گریز کرنا چاہیے اور ‏سب کو مل کر ملک کی بہتری کے لیے کام کرنا چاہیے۔

واضح رہے کہ کچھ روز قبل  قائد حزب اختلاف شہباز شریف نے منی بجٹ مسترد کرتے ہوئے کہا تھا کہ منی بجٹ لانے کے اعلان سے ثابت ہوگیا کہ قومی بجٹ کے موقع پر حکومت نے قوم اور کاروباری برادری سے جھوٹ بولا ہے۔

شہباز شریف نے کہا تھا کہ منی بجٹ لانے والے کہتے تھے کہ کوئی منی بجٹ نہیں آئے گا، عمران نیازی نے ایک اور یوٹرن لیا ہے۔

پاکستان مسلم لیگ (ن) کے صدر نے مزید کہا تھا کہ یہ منی بجٹ نہیں بلکہ معاشی تباہی، مہنگائی کا سیاہ طوفان ہے جو پاکستان کی معیشت، صنعت ، روزگار اجاڑ دے گا، منی بجٹ قومی معیشت کے تابوت میں آخری کیل ثابت ہوگا۔