کورونا کی پانچویں لہر، ڈی جی پرائیویٹ اسکولز سندھ نے والدین کے لئے ہدایت نامہ جاری کر دیا ۔

ڈی جی اسکولز سندھ کی جانب سے جاری کردہ ہدایت نامے میں کہا گیا ہے کہ اومیکرون بچوں پر بھی اثر انداز ہو رہا ہے، بچوں کی لازمی ویکسی نیشن کرائیں۔

ہدایت نامے کے مطابق والدین بچوں کو بلا ضرورت گھر سے باہر نہ نکالیں، شاپنگ مال اور شادی جیسی بڑی تقریبات میں شرکت نہ کریں۔

ڈی جی اسکولز سندھ کا کہنا ہےکہ بچے اسکول اور کلاس میں ماسک لازمی پہن کر رکھیں،اسکول سے گھر واپسی پر باہر سے کچھ نہ خریدیں۔

ہدایت نامے میں والدین سے اپیل کی گئی کہ بچے ہمارا مستقبل ہیں،ان کا خاص خیال رکھیں۔

کورونا کا پھیلاؤ، مثبت کیسز کی شرح 9.45 فیصد ریکارڈ

ملک بھر میں کورونا کے پھیلاؤ نے پھر خطرے کی گھنٹی بجا دی۔

نیشنل کمانڈ اینڈ آپریشن سینٹر(این سی او سی) کی جانب سے جاری کردہ بیان کے مطابق گزشتہ چوبیس گھنٹوں میں ملک بھر میں 53 ہزار 253 کورونا ٹیسٹ کیے گئے اور مثبت کیسز کی شرح 9.45 فیصد رہی۔

این سی او سی کے مطابق گزشتہ 24 گھنٹوں کے دوران 5 ہزار 34 نئے کیسز رپورٹ ہوئے۔

پنجاب میں 4 لاکھ 54 ہزار 372، سندھ میں 5 لاکھ 5 ہزار 930، خیبرپختونخوا میں ایک لاکھ 82 ہزار 419، بلوچستان میں 33 ہزار 729، گلگت بلتستان میں 10 ہزار 446، اسلام آباد میں ایک لاکھ 11 ہزار 855 جبکہ آزاد کشمیر میں 34 ہزار 770 کیسز رپورٹ ہوئے۔

Advertisement

Statistics 18 Jan 22:
Total Tests in Last 24 Hours: 53,253
Positive Cases: 5034
Positivity %: 9.45%
Deaths :10
Patients on Critical Care: 827

Advertisement

— NCOC (@OfficialNcoc) January 18, 2022