ملک میں کھانے کی اشیاء کی درآمدات میں کمی واقع ہوئی ہے۔
ادارہ شماریات کی جانب سے جاری اعدادوشمار کے مطابق دسمبر 2021 میں کھانے کی اشیاء کی درآمدات 78 کروڑ ڈالر زائد کی رہیں، گزشتہ سال دسمبر میں 88 کروڑ 60 لاکھ ڈالر کی کھانے کی اشیاء کی درآمدات تھیں۔
ادارہ شماریات کے مطابق دسمبر 2021 میں 1 ارب 12 کروڑ ڈالر سے زائد کی مشینری درآمد کی گئی، گزشتہ سال دسمبر میں 86 کروڑ 80 لاکھ ڈالر کی مشینری کی درآمدات تھیں۔
رپورٹ کے مطابق رواں مالی سال گزشتہ مالی سال دسمبر کے مقابلے پیٹرولیم مصنوعات کی درآمد میں 118 فیصد سے زائد کا اضافہ ہوا، دسمبر 2021 میں 1 ارب 82 کروڑ ڈالر سے زائد اور دسمبر 2020 میں 82 کروڑ 50 لاکھ ڈالر کی پیٹرولیم مصنوعات درآمد ہوئیں۔
رپورٹ میں مزید بتایا گیا کہ رواں مالی سال ٹیکسٹائل کی برآمدات میں 15.9 فیصد کا اضافہ ہوا، کھانے کی اشیاء کی برآمدات میں 8.6 فیصد کا اضافہ ہوا، پیٹرولیم مصنوعات اور کوئلہ کی برآمدات میں 44.1 فیصد کا اضافہ ہوا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News