ٹھٹھہ: کوئلے کی کان میں دبنے سے 2 مزدور جاں بحق جبکہ 2 شدید زخمی

ٹھٹھہ میں کوئلے کی کان میں دبنے سے 2 مزدور جاں بحق جبکہ 2 شدید زخمی ہو گئے ہیں۔

یہ واقعہ ٹھٹھہ میں جھرک کے قریب پیش آیا جہاں کوئلے کی کان میں دب کر 2 مزدور جاں بحق جبکہ دو شدید زخمی ہو گئے۔

ایس ایچ او جھرک زاہد شیخ کا کہنا ہے کہ مزدور کوئلے کی کان سے کوہ نکال رہے تھے، تودہ گرنے سے ملبے تلے دب گئے۔

زاہد شیخ نے کہا کہ جاں بحق ہونے والوں کی شناخت نظیر محمد اور شیر محمد کے ناموں سے ہوئی ہے، دونوں کی لاشیں نکال لی گئی ہیں۔

ان کا کہنا تھا کہ زخمیوں میں حسین زیب اور زیب اللہ شامل ہیں اور دونوں زخمیوں کو تشویشناک حالت میں ہسپتال منتقل کر دیا گیا ہے۔