پاکستان اور مصر کے برادرانہ تعلقات ہیں، آرمی چیف

ویب ڈیسک

21st Mar, 2022. 07:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور مصر کے برادرانہ تعلقات ہیں، آرمی چیف

آرمی چیف قمر جاوید باجوہ نے کہا ہے کہ پاکستان اور مصر کے برادرانہ تعلقات ہیں۔

پاک فوج کے شعبہ تعلقات عامہ ( آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ سے مصر کے وزیر خارجہ کی جی ایچ کیو میں ملاقات ہوئی جس میں دفاع وسیکیورٹی تعاون، خطے کی سیکیورٹی صورتحال سے متعلق امور پر بات چیت کی گئی۔

آئی ایس پی آر کے مطابق مصر کے وزیر خارجہ نے خطے کے امن کے لیے پاکستان کے کردار کو تسلیم کیا جبکہ مصری وزیرخارجہ نے او آئی سی اجلاس کے انعقاد کی کوششوں پر پاکستان کو بھی سراہا۔

ملاقات میں آرمی چیف جنرل قمر جاوید باجوہ نے کہا کہ پاکستان اور مصر کے برادرانہ تعلقات ہیں، تمام شعبوں میں پاک مصر دو طرفہ تعاون بڑھانے کی ضرورت ہے۔

آرمی چیف جنرل قمر جاوید باجوہ کا مزید کہنا تھا کہ او آئی سی وزرائے خارجہ کا 48واں اجلاس افغانستان کی انسانی امداد کے حوالے سے تاریخی پیش رفت ہے، عالمی برادری کا خطے کے درپیش چیلنجز سے نمٹنے کا مشترکہ حل تلاش کرنا امن و استحکام کے لیے اہم ہے۔