گورنر سندھ عمران اسماعیل نے دعویٰ کیا ہے کہ علیم خان خود وزیراعظم عمران خان سے ملاقات کریں گے۔

علیم خان کے معاملے پر میڈیا سے بات چیت کرتے ہوئے عمران اسماعیل نے کہا کہ علیم خان، جہانگیر ترین اور باقی دوست پارٹی کا اثاثہ ہیں اور انشاء اللہ سارے معاملات حل ہوجائیں گے۔

 ان کا کہنا تھا کہ علیم خان آج بھی پارٹی اسے اتنی محبت کرتے ہیں جتنی کل کرتے تھے اور عمران خان کیلئے ان کے دل میں اتنی ہی محبت ہے جتنی کل تھی۔

انہوں نے کہا ہے کہ تھوڑی ناراضگی کسی بھی معاملے پر ہو جاتی ہے لیکن ان کو جلد ہی حل کر لیا جائیگا۔

خیال رہے کہ گورنر سندھ عمران اسماعیل نے یہ باتیں میڈیا سے اس وقت کیں کہ جب وہ اور وفاقی وزیر فواد چودہدی  وزیراعظم سے ملاقات کیلئے بنی گالا روانہ ہونے جارہے تھے۔

قبل ازیں گزشتہ روز گورنر سندھ عمران اسماعیل نے جہانگیرترین گروپ میں شمولیت اختیار کرنے والے پی ٹی آئی رہنما علیم خان سے اہم ملاقات کی جس میں انہوں نے پارٹی ارکان کی ناراضگی سمیت موجودہ صورتحال پر بات چیت کی ۔

اس موقع پر علیم خان کا کہنا تھا کہ ارکان اسمبلی پنجاب حکومت کی کارکردگی سے سخت پریشان ہیں ، پارٹی کا امیج خراب ہو رہا ہے اور موجودہ کارکردگی پر اگلا انتخاب لڑنا بھی تمام ارکین اسمبلی کے لئے مشکل ہو جائے گا ۔

اس موقع پر علیم خان کا کہنا تھا کہ ارکان اسمبلی پنجاب حکومت کی کارکردگی سے سخت پریشان ہیں ، پارٹی کا امیج خراب ہو رہا ہے اور موجودہ کارکردگی پر اگلا انتخاب لڑنا بھی تمام ارکین اسمبلی کے لئے مشکل ہو جائے گا ۔