عمران خان کی حکومت میں ملک ترقی کر رہا تھا، شاہ محمود

ویب ڈیسک

03rd Jun, 2022. 08:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان کی حکومت میں ملک ترقی کر رہا تھا، شاہ محمود

پاکستان تحریک انصاف کے وائس چیئرمین شاہ محمود قریشی نے کہا ہے کہ عمران خان کی حکومت میں ملک ترقی کر رہا تھا۔

شاہ محمود قریشی نے انصاف لائرز فورم کی کور کمیٹی اور وومن ونگ کے اجلاس میں شرکت کرتے ہوئے اپنے بیان میں کہا کہ لانگ مارچ میں آئی ایل ایم اور وومن ونگ کی شرکت اور ان کی کاوشوں کو سلام پیش کرتے ہیں۔

ان کا کہنا تھا کہ وکلاء برادری کے ملک میں دو گروپ ہیں دونوں پی ٹی آئی کی طرف دیکھ رہے ہیں، کوئی بھی تحریک وکلاء اور خواتین کی شرکت کے بغیر کامیاب نہیں ہو سکتی۔

انہوں نے کہا کہ امپورٹڈ حکومت نے عوام پر ایک ہفتے میں دو مرتبہ پیٹرول بم گرایا ہے، تیل کی قیمتوں میں 60 روپے اضافے سے ملک میں مہنگائی کا سیلاب آئے گا۔

پارٹی رہنما کا کہنا تھا کہ ن لیگ کی تجربہ کار ٹیم نے 45 دنوں میں ہی ملک کو تباہ کر کے رکھ دیا، آج عمران خان کا بیانیہ امپورٹڈ حکومت پر بھاری ہو گیا ہے، عمران خان کا جو نظریہ ہے اس کو ہمیں عملی جامہ پہنانا ہے۔