اسپکٹر جنرل (آئی جی) پولیس سندھ غلام نبی میمن کی جانب سے انوسٹی گیشن پولیس کی تنخواہیں بڑھانے کا فیصلہ کیا گیا ہے۔

تفصیلات کے مطابق آئی جی پولیس سندھ غلام نبی میمن نے شعبہ تفتیش میں بہتری کے لئے یہ اہم فیصلہ کیا ہے۔

اس حوالے سے آئی جی سندھ نے کہا کہ تفتیشی افسران کو تین سال تک انوسٹی گیشن میں ہی کام کرنا ہوگا، انوسٹی گیشن پولیس کو الگ کیڈر بنانے کا فیصلہ کیا ہے۔

‘تفتیشی افسر کو50 فیصد رقم ایڈوانس میں دی جائے گی’

غلام نبی میمن نے کہا کہ قتل کے کیسز کیلئے ایکسپرٹ انوسٹی گیٹر کو تعینات کیا جائے گا اور قتل اغوا برائے تاوان کے کیسز کے دوران ایک ایک لاکھ روپے کیس خرچ کیلئے دیے جائیں گے۔

آئی جی سندھ نے بتایا کہ تفتیشی افسر کو پچاس فیصد رقم ایڈوانس میں دی جائے گی، ڈی این اے اور پوسٹ مارٹم کیلئے تمام اخراجات تفتیشی افسر کو دیے جائیں گے۔

انہوں نے کہا کہ انوسٹی گیشن پولیس کے قوانین جانچنے کیلئے ڈی آئی جی سی آئی اے کی سربراہی میں کیمٹی بنائی ہے۔

غلام نبی میمن نے کہا کہ پچاس من چرس کا ٹرک ہر پیشی پر کورٹ لیکر جانا مشکل ہے، اسی طرح کیس پراپرٹی کو عدالت میں تفتیشی پولیس افسر پر پیشی پر پیش کرتا ہے۔

‘حکومتی سطح پر بات کرکے قوانین میں تبدیلی کی بات کرینگے’

انکا کہنا ہے کہ حکومتی سطح پر بات کرکے قوانین میں تبدیلی کی بات کریں گے، ہر پیشی پر کیس پراپرٹی لیکر جانا مشکل کام ہے۔

آئی جی سندھ نے مزید کہا کہ تفتیشی افسران کو ڈیجٹیل کی ٹریننگ بھی دی جائے گی، انوسٹی گیشن آفیسر روزانہ کی بنیاد پر کیس کی اپڈیٹ کرے گا اور کیس کومنطقی انجام تک پہنچانے والے افسران کو انعام بھی دیا جائے گا۔