امیر جماعت اسلامی کراچی حافظ نعیم الرحمان نے کہا ہے کہ کراچی کا میئر جماعت اسلامی سے ہونا چاہیے۔

تفصیلات کے مطابق امیر جماعت اسلامی کراچی حافظ نعیم الرحمان نے خطاب کرتے ہوئے کہا کہ سیاستدانوں نے شہر کا بیڑا غرق کیا ہوا ہے، پیپلز پارٹی نے سندھ میں سیلاب کو بنیاد بنا کر الیکشنز کو آگے بڑھایا، کراچی سے ہر کوئی ووٹ لیتا ہے لیکن یہ شہر کسی کے ایجنڈے میں شامل نہیں۔

ان کا کہنا تھا کہ کراچی کا میئر جماعت اسلامی سے ہونا چاہیے، اس لیے ہم نے کورٹ کا دروازہ بجایا ہے، اب ہم ان کو بھاگنے نہیں دینگے، ٹیکس ہم دیتے ہیں تو ملک چلتا ہے، پچھلے سال مشکل حالاتوں میں بھی ہم نے ٹیکس سب سے زیادہ دیا۔

انہوں نے کہا کہ کراچی ترقی کرے گا تو ملک ترقی کرے گا، ہم اپنی بچوں کو روزگار کے مواقع دینگے، اس شہر میں جماعت اسلامی کا میئر ہو گا تو ہم دیکھیں گے کہ کون ہمارا حق ہڑپ کرتا ہے، ہم عوامی احتجاج کا دائرہ بھی بڑھاہیں گے اور عدالتوں میں بھی جائیں گے۔

حافظ نعیم نے کہا کہ جب تک ہمارے مسائل حل نہیں ہونگے تب تک ہماری تحریک جاری رہے گی، ان سے اب کراچی کے لوگوں کے حقوق چھین کر لیں گے، جیفکو گراونڈ کو جلد ہی مافیا سے آزاد کروائینگے۔

ان کا کہنا تھا کہ نعمت اللہ خان نے اپنے دور میں کراچی کو ایک بہترین شہر بنایا تھا، ایم کیو ایم سمیت پیپلز پارٹی نے کراچی کو پانی تک نہیں دیا، کراچی پاکستان کی شہ رگ ہے لیکن نظر انداز کیا جا رہا ہے۔