وزیر خزانہ اسحاق ڈار سے وزیر مملکت برائے خارجہ حنا ربانی کھر کی ملاقات ہوئی ہے۔
ملاقات میں معاون خصوصی وزیر اعظم طارق باجوہ اور دفتر خارجہ کے سینئر افسران نے بھی شرکت کی۔
وزارت خزانہ کا کہنا ہے کہ ملاقات میں دورہ افغانستان سے متعلق تیاریوں پر تبادلہ خیال کیا گیا جبکہ وزیر خزانہ کو اقتصادی اور علاقائی امن و استحکام کے امور پر بھی بریفنگ دی گئی۔
جاری کردہ اعلامیہ کے مطابق افغان قیادت سے ملاقات اور بات چیت کے لیے ایجنڈے پر غور کیا گیا اور کہا گیا کہ مشکل وقت میں اپنے پڑوسی ملک افغانستان کی مدد کے لیے فریم ورک پر غور کیا جا رہا ہے۔
وزیر خزانہ اسحاق ڈار نے کہا کہ پاکستان نے ہمیشہ افغان عوام کی حمایت کا عزم کیا ہے۔
اس موقع پر وزیر خزانہ اسحاق ڈار نے افغانستان کا مؤثر اور نتیجہ خیز دورہ کرنے کے لیے جامع منصوبہ تیار کرنے کی ہدایت بھی دی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News