پولیس اہلکار کی شہادت کے واقعے میں ملوث ملزم کا نام ایگزٹ کنٹرول لسٹ میں ڈالنے کا مطالبہ کردیا گیا ہے۔

تفصیلات کے مطابق ڈیفنس میں گزشتہ روز پولیس اہلکار کی شہادت کا معاملہ پیش آیا تھا جس کی پیش نظر کراچی پولیس نے باضابطہ طور پر ایف آئی اے امیگریشن اسلام آباد کو خط لکھ دیا ہے۔

خط میں بتایا گیا ہے کہ ملزم کے خلاف کلفٹن تھانےمیں قتل کی دفعات کے تحت مقدمہ درج ہے ۔

خط میں کراچی پولیس کی جانب سے مطالبہ کیا گیا ہے کہ ملزم نے پولیس اہلکار عبدالرحمٰن کو فائرنگ کرکے شہید کیا ہے تاہم ملزم خرم نثا ر کا نام ایگزٹ کنٹرول لسٹ میں ڈالا جائے۔

خط میں مزید بتایا گیا کہ ملزم نے فرار ہوتے وقت گاڑی تبدیل کی اور لگژری گاڑی میں فرار ہوا تاہم فرار میں مدد دینے والے دو افراد زیر حراست ہیں۔

کراچی کے علاقے ڈیفنس فیز فائیو 26 اسٹریٹ میں گزشتہ رات پولیس اہلکار عبدالرحمان کو قتل کرنے والے ملزم کو کا سراغ مل گیا ہے۔

اس حوالے سے ایس ایس پی ساوتھ اسد رضا نے کہا کہ پولیس اہلکار عبدالرحمان کو قتل کرنے والے ملزم کو شناخت کر لیا گیا ہے، فائرنگ خرم نثار نامی ملزم نے کی، جو پانچ نومبر کو سوئیڈن سے کراچی آیا۔

خرم نثار کا ایک ساتھی زیر حراست

پولیس ذرائع نے بتایا کہ خرم نثار کے ایک ساتھی کو پولیس نے حراست میں لے لیا اور واردات میں استعمال ہونے والا اسلحہ بھی برآمد کرلیا۔

ایس ایس پی ساوتھ نے کہا کہ پولیس نے سپاہی کو شہید کرنے والے ملزم کی گاڑی بھی تحویل میں لے لی۔

ایس ایس پی نے بتایا کہ فائرنگ خرم نثار نامی ملزم نے کی تھی، جبکہ شہید اہلکار عبدالرحمان نے بھی زخمی ہونے کے بعد ملزم پر جوابی فائرنگ کی جو گاڑی پر لگی۔

ایس ایس پی ساؤتھ اسد رضا نے مزید کہا کہ ملزم حال ہی میں سوئیڈن سے تعلیم حاصل کرکے پاکستان لوٹا ہے، پولیس ملزم کو تاحال گرفتار کرنے میں کامیاب نہیں ہوسکی، ملزم کی تلاش میں چھاپے مارے جارہے ہیں۔

سی سی ٹی وی بول نیوز کو موصول

کراچی کے علاقے ڈیفنس فیز فائیو 26 اسٹریٹ میں گزشتہ رات ہونے والے فائرنگ کے واقعے کی سی سی ٹی وی فوٹیچ بول نیوز کو موصول ہوگئی ہے۔

ڈیفنس فیز ٥ میں پولیس اہلکار قتل
CCTV فوٹیج منظرعام پر آگئی#StreetCrimes pic.twitter.com/35deMUwqdm

Advertisement

— BOL Network (@BOLNETWORK) November 22, 2022

سی سی ٹی وی فوٹیج میں بلیک کلر کی ٹرینٹ گاڑی کو گزرتے دیکھا جاسکتا ہے اور گاڑی کے گزرتے ہی موٹر سائیکل پر سوار پولیس اہلکاروں کو بھی پیچھے آتے دیکھا جاسکتا ہے۔

فائرنگ سے قبل پولیس اہلکار کے موبائل سے بناٸی گٸی ویڈیو میں مسلح ملزم کو واضع طور پر دیکھا جاسکتا ہے۔

موبائل فوٹیج میں مسلح ملزم اور پولیس اہلکاروں کے درمیان تقرار بھی واضع طور پر دیکھی جاسکتی ہے جبکہ پولیس اہلکاروں سے تقرار کے بعد ملزم عبدالرحمان نامی پولیس اہلکار پر سر میں گولی مار کر فرار ہوگیا۔

خیال رہے کہ پولیس نے موبائل فوٹیج اور سی سی ٹی وی کی مدد سے ملزم کی تلاش شروع کردی ہے۔