پاکستان تحریک انصاف (پی ٹی آئی) کے رہنما شیخ رشید احمد نے کہا ہے کہ الٹی گنتی شروع ہوگئی ہے یہ ہفتہ فیصلہ کُن ہے۔

سماجی رابطے کی ویب سائٹ ٹوئٹر اپنے جاری کردہ پیغام میں شیخ رشید نے کہا کہ حکومت سیاسی معاشی اقتصادی اور تعیناتی بحران میں پھنسی ہوئی ہے۔

حکومت سیاسی معاشی اقتصادی اورتعیناتی بحران میں پھنسی ہوئی ہے الٹی گنتی شروع ہوگئی ہے یہ ہفتہ فیصلہ کُن ہےیہ زمینی حقائق سےبےخبراورفضامیں معلق ہےنہ ہاتھ آسمان پر نہ پاؤں زمین پرلگ رہے ہیں گوٹی پھنس گئی ہےجی کاجاناٹھہرگیاہےعمران خان کا26نومبرکوکمیٹی چوک میں تاریخی استقبال کریں گے

— Sheikh Rashid Ahmed (@ShkhRasheed) November 20, 2022

 انہوں نے کہا کہ الٹی گنتی شروع ہوگئی ہے یہ ہفتہ فیصلہ کُن ہے، یہ زمینی حقائق سے بےخبر اور فضا میں معلق ہے، نہ ہاتھ آسمان پر اور نہ پاؤں زمین پرلگ رہے ہیں، گوٹی پھنس گئی ہے۔

سابق وفاقی وزیر نے کہا کہ عمران خان کا 26 نومبر کو کمیٹی چوک میں تاریخی استقبال کریں گے

لانگ مارچ 26 نومبر تک کے لیے مؤخر

خیال رہے کہ تحریک انصاف کا دوسرے مرحلے کا جاری لانگ مارچ 26 نومبر تک کے لیے مؤخر کر دیا گیا۔

 پی ٹی آئی کے تمام مرکزی اور صوبائی رہنما اپنے اپنے حلقوں میں 26 نومبر کے لیے تیاریاں کریں گے۔

 25 نومبر کو عمران خان زمان پارک سے اسلام آباد کے لیے روانہ ہوں گے اور اسلام آباد پہنچنے پر دھرنے یا جلسے کا فیصلہ کیا جائے گا۔ اس کے بعد اسلام آباد دھرنے یا جلسے کی جگہ پر قیام کے لیے خیمہ بستی قائم کی جائے گی۔

علاوہ ازیں اسلام آباد دھرنے یا جلسے کی کامیابی کے لیے آئندہ چند روز میں ایک اعلیٰ سطحی کمیٹی بھی قائم کی جائے گی، دھرنے یا جلسے کے لیے دو مقامات زیر غور ہیں، کارکنان کی سہولت اور قیادت کے فیصلے کے پیش نظر حتمی مقام کا تعین کیا جائے گا۔

واضح رہے کہ پاکستان تحریک انصاف کے چیئرمین عمران خان نے 26 نومبر کو راولپنڈی پہنچنے کی کال دے دی ہے۔