سابق وفاقی وزیر شیخ رشید نے کہا ہے کہ آج سے عمران خان کی فتح کے دن شروع ہو گئے۔

سماجی رابطے کی ویب سائٹ ٹوئٹر پر اپنے ایک پیغام میں شیخ رشید نے کہا کہ آج 24 نومبر سے عمران خان کے وکٹری ڈیز شروع ہیں اور ملک قبل از وقت الیکشن کی طرف جائے گا۔

شیخ رشید نے کہا کہ فوج کا فیصلہ ہے کہ وہ سیاست سے دور رہے گی، نئے تعینات ہونے والے ذمہ داران کو مبارکباد دیتا ہوں، PDM کی سیاست دفن ہو گئی۔

ان کا مزید کہنا تھا کہ الٹی گنتی شروع، ملک میں صاف اور شفاف الیکشن ہوں گے، کل 3 بجے لال حویلی میں اس حوالے سے پریس کانفرنس بھی کروں گا۔

واضح رہے کہ صدر مملکت ڈاکٹر عارف علوی نے افواج پاکستان میں اہم تقرریوں سے متعلق وزیراعظم کی جانب سے بھیجی گئی سمری پردستخط کردیے ہیں جس کے بعد جنرل عاصم منیر اگلے آرمی چیف اور جنرل ساحر شمشاد چیئرمین جوائنٹ چیفس آف اسٹاف کمیٹی ہوں گے۔

آج24نومبر سے عمران خان کی وکٹری ڈیزشروع ہیں اور ملک قبل از وقت الیکشن کی طرف جاے گا،فوج کا فیصلہ ہے کہ وہ سیاست سے دور رہے گی،نئے تعینات ہونے والےذمہ داران کو مبارکباد دیتا ہوںPDMکی سیاست دفن،الٹی گنتی شروع،ملک میں صاف اور شفاف الیکشن ہوں گے،کل3 بجے لال حویلی پریس کانفرنس کروں گا

— Sheikh Rashid Ahmed (@ShkhRasheed) November 24, 2022